A campaña conxunta dos Concellos de Mos, Porriño e Salceda de Caselas, Cero Gotas Infinitas Ideas, de prevención do consumo de alcohol en menores, continúa a súa andadura organizando novas actividades.

Nesta ocasión realizarase unha charla para nais e pais a cargo de Manuel Isorna, psicólogo e técnico de plans de prevención de drogodependencias.

Esta iniciativa terá lugar o vindeiro mércores, día 27 de maio, ás 20.00 horas no mosense Multiusos das Pozas, na parroquia de Petelos.

Os proxenitores interesados en asistir deberán formalizar previamente a súa inscrición chamando por teléfono ó número 986 33 08 61.