A Deputación de Pontevedra asumirá o coste da primeria fase da reforma que o concello de Nigrán quere acometer na antiga escola “Maestro D. Xosé”, en San Pedro, para convertila en Biblioteca Municipal. 

A vella escola atópase nunha parcela situada na Rúa Sarmiento, e conta con varias edificacións auxiliares. Nun dos inmobles realízanse cursos de formación e obradoiros de emprego, pero as demais vivendas están nun estado de abandono.

As obras aprobadas pola Deputación contemplan diversos traballos de mellora e acondicionamento do antigo centro educativo para que poida destinarse ao fin anteriormente indicado.