Unha vivenda unifamiliar ardeu por completo por mor dun incendio do que se descoñecen as súas causas, segundo relataron os efectivos de emerxencias. No seu interior, un varón, único residente, puido abandonar a casa polos seus propios medios e, afortunadamente, resultou ileso. Tras recibir a alerta de varios particulares, o CAE 112 Galicia requiriu a presenza dos Bombeiros de Vigo, dos axentes da Policía Local e dos efectivos de Protección Civil. O suceso tivo lugar minutos antes das 10:30 horas da mañá de hoxe no coñecido como Camiño dos Muíños, no núcleo urbano de Vigo.