Catro persoas foron trasladadas ao hospital para seren atendidas das feridas causadas por un choque entre dous turismos na Avenida Clara Campoamor, en Vigo. Como consecuencia do impacto, un dos feridos quedou atrapado no interior dun dos vehículos implicados, xa que se espetou contra un valo. Por iso, o persoal do CAE 112 Galicia pediu a colaboración dos Bombeiros da cidade para liberalo. Ademais, dende o Centro de Atención ás Emerxencias se informou a Urxencias Médicas, Policía Local e Protección Civil. O accidente tivo lugar apenas uns minutos antes das sete da tarde de onte. Ademais, na Coruña, outra persoa tivo que ser excarcerada tras quedar atrapada no vehículo no que circulaba. Tras recibir a alerta dun particular, pasados uns minutos das 22:00 horas desta noite, o 112 Galicia solicitou a intervención dos Bombeiros da cidade, que liberaron ao ferido. Tamén foi informado o persoal de Urxencias Médicas e os axentes da Policía Local. O suceso tivo lugar no paseo marítimo coruñés, á altura da Praia do Orzán.