A céntrica praza Arquitecto Antonio Palacios, será este venres o escenario dun espectacular concerto no que, a partir das 20.00 h, os 130 alumnos da Escola Municipal de Música exhibirán ó público os coñecementos adquiridos durante o curso 2014-2015.

O actual director da Escola Municipal de Música de Porriño é Javier Domínguez Millán, que á súa vez dirixe a Banda de Música Municipal desde fai catro anos, invita ó público a que veñan apreciar o esforzo realizado por tódolos grupos durante o curso que son Música e movemento composto de 40 nenos; a Coral Polifónica, con 38 integrantes; o Grupo de Música Tradicional, con 16 compoñentes; a Orquestra e grupo de guitarras, con máis de 30 músicos; e a Banda de Música Municipal composta por 38 instrumentistas. 

A alcaldesa de Porriño, Eva García de la Torre, destaca a importancia de manter o nivel cultural musical na vila xa que “Porriño foi berce de importantes revelacións musicais, vénme á cabeza un exemplo artístico como é o de Xosé Ramón Paz Antón ou Ricardo Pereiro do grupo folk “Na lúa”, así como numerosos grupos revelación que intentan abrirse camiño no mundo artístico; e é que, manter o espírito musical entre os nosos veciños é de vital importancia, é un orgullo engadido ver que ademáis a Escola de Música conta cunha gran cantidade de alumnos de corta idade”.

Doutra banda, os prazos de matrícula para cursar calquera das sete modalidades que se imparten na Escola de Música Municipal, xa están abertos para tódolos interesados no Centro Cultural Municipal, de modo que os xa matriculados teñen de prazo ata o 30 deste mes para formalizar a súa continuidade. Con todo para as novas incorporacións ó centro, o prazo será do 1 ó 24 de xullo.