Dúas motos e unha furgoneta colidiron esta mañá cando circulaban pola rotonda que da entrada ao Porto de Orillamar, na cidade de Vigo. Debido ao impacto, unha muller que conducía unha das motocicletas resultou ferida nun xeonllo. Os servizos sanitarios foron informados do accidente polo persoal do CAE 112 Galicia, aínda que segundo expresou a alertante –implicada no accidente-, rexeitou o traslado sanitario en ambulancia. Ao igual que ós servizos sanitarios, o 112 Galicia tamén informou aos axentes da Policía Local e aos efectivos de Protección Civil. O accidente tivo lugar pasados uns minutos das 09:30 horas de hoxe.