Esta mañá levouse a cabo a Clausura o II Campus Fundación Celta de Vigo-Rubén Blanco. O acto tivo lugar  ás 13.00 horas no campo de fútbol de Cototorrón en Tameiga  coa asistencia de Nidia Arévalo, alcaldesa de Mos, Alberto Méndez, tenente alcalde e concelleiro de Deportes de Mos, Carlos Mouriño Presidente do Real Club Celta de Vigo, Patricio Farrapeira, presidente do Club Louro-Tameiga (club anfitrión do II Campus) e outros membros do equipo de goberno local.

Os pequenos participantes no campus  tiveron a ocasión de compartir  ó longo desta semana  unha das xornadas co porteiro do Celta e veciño de Mos, Rubén Blanco,  ademais de recibir  charlas sobre os valores no deporte e como inculcarllos ós xoves deportistas, e nutrición e hábitos de alimentación saudables e por su suposto a tran interesante para estes futuros futbolistas da impartición da técnica deportiva baseada en catro áreas fundamentais: coordinación, técnico-táctica, multideporte, e competición.

Remata, sinalou Nidia Arévalo “unha actividade coa que se pretendeu a práctica deportiva entre os máis xoves como ferramenta transmisora de valores como son a solidariedade, creatividade, traballo en equipo, sacrificio, superación, respecto e compañeirismo. E por outra banda axudou conciliar a vida laboral e familiar dos seus pais  no periodo vacacional dos pequenos”.