Dous turismos colidiron esta tarde en Dornemas na Estrada Provincial EP-2601en Mos. Como consecuencia do impacto, tres persoas tiveron que ser atendidas polos servizos sanitarios de urxencia. Ademais, os vehículos quedaron atravesados na vía, o que impediu a circulación por esa zona, polo que foi preciso cortar a estrada.

Ás 13:40 horas de hoxe, un particular chamou ó 112 Galicia para pedir axuda. Dende o Centro de Atención ás Emerxencias se informou a Urxencias Médicas, Garda Civil de Tráfico e Servizo de Emerxencias de Mos.

O lugar onde se produciu o sinistro é unha curva moi cerrada, sen visibilidade, un punto perigoso onde os accidentes son frecuentes, os veciños piden a mellora deste treito e beirarúas na  EP-2601 para incrementar a seguridad e vial nesta transitada estrada.