Os servizos sanitarios de urxencia trasladaron onte a unha persoa que resultou ferida con queimaduras tras estouparlle un (camping-gas). A deflagración ocorreu cando o afectado manipulaba a bombona no seu domicilio, concretamente, no Camiño Freixeiro, na parroquia de Alcabre, en Vigo. Aínda así, segundo informaron os bombeiros da cidade que se desprazaron ó domicilio tras ser alertados polo CAE 112 Galicia, non houbo lume, polo que non chegaron a intervir. Tras recibir a chamada de alerta, de contado, o 112 Galicia solicitou a colaboración da Policía Nacional e Local, así como a dos efectivos de Protección Civil de Vigo. Ademais, informou do suceso que tivo lugar ás 19:00 horas da tarde pasada, ao persoal da empresa subministradora do gas.