O Equipo de Goberno de Salceda de Caselas lamenta a través dun comunicado de prensa “a actitude amosada por PP e PSOE no Pleno extraordinario -celebrado onte día 14-, cando alegando un suposto fallo administrativo que foi aclarado polo Interventor e o Secretario Municipal no mesmo Pleno, forzaron a supresión do punto relativo a un Recoñecemento Extraxudicial de Crédito que iba permitir cobrar a case un centenar de proveedores, entre eles varios servizos contratados pola anterior Concelleira socialista, Marina Cabaleiro, que agora terán que esperar cando menos ata o vindeiro Pleno para poder continuar coa tramitación das súas facturas”.

Para o goberno local "non é de recibo estar cobrando por asistir a unha Comisión Informativa na que non se amosa ningún tipo de dúbida sobre o tema e logo plantexalas no Pleno"

Lembran dende Movemento Salceda que “as Comisións Informativas que se celebran antes dos Plenos, ás que acuden PP e PSOE percibindo as correspondentes retribucións por elo, son precisamente para aclarar dúbidas e presentar as correspondentes matizacións, para chegar así ao Pleno cos temas xa traballados” aseguran que  “non é de recibo estar cobrando por asistir a unha Comisión Informativa na que non se amosa ningún tipo de dúbida sobre o tema e logo plantexalas no Pleno. Para iso están as Comisións, e para iso os representantes de PP e PSOE cobraron por asistir a ela”.

Para Movemento Salceda “o caso faise máis esperpéntico, se cabe, tendo en conta que as mesmas Concelleiras do PSOE se alían ao PP deixando así sen cobrar a moitos proveedores que realizaron os seus traballos para as áreas que dirixía a Concelleira socialista na anterior lexislatura. O Recoñecemento Extraxudicial de Crédito ten como obxectivo dotar de crédito as facturas pendentes de 2014, que agora terán que esperar ata a vindeira ocasión en que se presente o punto nun Pleno”.  

Jose Luis González, Concelleiro de Facenda declaraba que  “lamentamos profundamente a actitude irresponsable do PP e do PSOE, que ignorando as explicacións ofrecidas polo Secretario e o Interventor Municipal, prefiren impoñer os seus criterios deixando así pendentes de cobro a moitos proveedores”.

Pola súa banda Marcos Besada, Alcalde de Salceda adseguraba que “PP e PSOE veñen de demostrar unha vez máis que para eles a prioridade será entorpecer o traballo do Goberno Municipal, sen importarlles que os perxudicados sexan, como neste caso, os proveedores que viven do seu traballo”.