A partires de hoxe, martes 18 de agosto, procederase ao inicio do cobro do aparcadoiro no novo hospital público Álvaro Cunqueiro. Este pago será, provisionalmente, só para a quenda de mañá. En quenda de tarde o aparcadoiro efectuará cobros unha vez que estean en funcionamento as vindeiras liñas de autobús.

Namentres, o aparcadoiro do Hospital Álvaro Cunqueiro estase a axustar ao cronograma de inicio de operación das liñas de autobús xa anunciadas, que conectarán o edificio sanitario coa poboación á que dá servizo.

Polo tanto, a partires das 16 horas non se cobrará o aparcadoiro, ata unha nova notificación por parte da sociedade concesionaria do hospital, que hoxe mesmo está a instalar os carteis informativos nas diferentes áreas de acceso. O prezo da primeira hora no aparcadoiro será de 1,86 euros, e existe a posibilidade de adquirir abonos de 5 e 10 días, e mesmo mensuais, que xa se poden xestionar na oficina do aparcadoiro.