Dende o pasado 10 de Agosto, RENFE Viaxeiros S.A., decidiu subir o canon da venda presencial de billetes de Longo Recorrido e Alta Velocidade nas estacións, que pasa dun 3,5% a un 5,5%. Penaliza así, en pleno verán, a venda de billetes nas estacións, deixándo moi por enriba dos canons de venda por teléfono, en ruta, ou nas propias máquinas autovendas, que mantense nun 3,5%, igual ca venda por internet que está establecida no 0%.

Esto supón que os usuarios de trens de Longa Distancia verán incrementado o prezo do billete un 2% si mercan o título de transporte nas xanelas de venda presencial das estacións de trens, penalizando cun maior custe do billete as persoas que non poden ou saben mercar os billetes por plataformas telemáticas, constituíndo unha discriminación pra determinados colectivos (anciáns, turistas, etc.)

Os usuarios de trens de Longa Distancia verán incrementado o prezo do billete un 2% si mercan o título de transporte nas xanelas de venda presencial das estacións de trens

Dende CGT rexeitan esta medida “que é unha mais das que Fomento está a levar a efecto pra minguar o máximo o cadro de persoal de ADIF en Galiza, xa sexa por externalización das cargas de traballo no mantemento da infraestructura ferroviaria (licitación por 25 anos do mantemento do ERTMS da liña Vigo-Coruña) ou, como neste caso, a penalización na venda presencial nas estacións, tentando minguar os postos de traballo do persoal de ADIF nas estacións, nun intre en que ADIF e o Ministerio de Fomento están plantexandose o pase a RENFE-Viaxeiros da maioría do persoal de ADIF-Estacións que son o cadro de persoal que adicase a venda de billetes e información nas estacións ferroviarias”.

Dende este sindicato aseguran que en Galiza están afectados uns 100 traballadores que adicanse a estas tarefas de venda de trens de Longa Distancia e información nas estacións galegas de Vigo-Urzaiz e Vigo-Guixar, Pontevedra, Guillarei, Vilagarcía, Compostela, A Coruña, Ferrol, Lugo, Monforte, Sarria, O Barco, A Rúa e Ourense.

CGT vai solicitar por escrito a Ministra de Fomento e o Presidente de RENFE, que manteña os mesmos canons nos distintos modos de venda de billetes, non penalizando a venda presencial nas estacións.