O Concello de Nigrán colabora co Centro Cultural Parada do Miñor para organizar hoxe sábado a primeira andaina  "O Camiño do Terror", que parte dende o campo de futbito de Parada ás 22:30 horas.

O percorrido, no que haberá sorpresas relativas á temática, discurrirá polos camiños de Montecastelo con parada no Mirador Monte dos Mouros. Está previsto que finalice no mesmo punto de saída ás 01,30 horas. Hai 350 inscritos, os demáis que queiran participar deben anotarse no campo de futbito a partir das 22,30 horas e camiñarán no último grupo, que pode saír pasada a unha da mañá. A inscrición é de 4€ por persoa e inclúe seguro e chocolate con churros. Só se necesita roupa cómoda e unha lanterna. A actividade é para tódolos públicos.