A alcaldesa do Porriño, Eva García de la Torre, visitou esta mañá o mercadiño que se celebra os martes en San Benito, acompañada do concelleiro de Mercados, Orlando Márquez. “A visita forma parte do compromiso persoal de atender in situ as reivindicacións do colectivo de vendedores ambulantes do mercadiño”, explicou a rexidora.

“Queremos revitalizar o mercado con actividades de dinamización que estamos estudando”, anunciou Eva García de la Torre. “O noso obxectivo é facelo máis atractivo e que os usuarios acudan ao mercadiño porque lles da servizo e resposta a necesidades concretas”. Neste sentido, destacou a vontade do Concello “de apoiar e potenciar o mercadiño de San Benito”.

A alcaldesa reiterou ademais “o compromiso do Concello de facilitar a actividade dos vendedores ambulantes e de velar polo normal funcionamento do mercadiño. Queremos que a comunicación entre ambas partes sexa fluída e constante”.