Tres turismos colidiron na VG-20, concretamente no enlace de Puxeiros, en dirección Baiona, e unha persoa necesitou asistencia sanitaria. Non foi o único accidente que se produciu esta mañá no Alto de Puxeiros. Ás 9:15 horas de hoxe, outro turismo sufriu unha saída de vía cando circulaba pola A-55, neste caso, dentro do termo municipal de Mos.

Pese ó impacto, os ocupantes puideron abandonar o vehículo sen dificultades. Igualmente, o persoal do CAE 112 Galicia pediu a colaboración de Urxencias Médicas. A Garda Civil de Tráfico acudiu a ambos dous sinistros alertados, tamén, dende o Centro de Atención ás Emerxencias 112 Galicia.