O lume declarado no motor dunha locomotora dun tren de mercadorías entre as estacións de Guillarei e Caldelas, en Tui, apenas provocou danos na carga e tampouco deixou persoas feridas. Iso si, a causa do incendio o tráfico ferroviario se viu interrompido ata as seis desta madrugada, cando os medios de ADIF puideron retirar o convoi.

O tren transportaba madeira e o lume afectou fundamentalmente ó motor da máquina. Ás 2:30 horas de hoxe, o persoal de ADIF solicitou a colaboración do CAE 112 Galicia para sufocar as lapas. Así, o persoal do Centro de Atención ás Emerxencias de Galicia avisaron ós Bombeiros do Baixo Miño, que extinguiron o lume e ventilaron a zona. Ademais, dende o 112 Galicia se informou á Garda Civil e a Protección Civil de Tui.