A iniciativa, tamén secundada por varias AA.VV. do concello, pretende facilitar que a veciñanza poida manifestar “o seu malestar, preocupación e indignación polo desmantelamento do Hospital do Meixoeiro, referente para o noso municipio e o traslado o novo hospital Álvaro Cunqueiro de xestión privada, acudindo o xoves día 3 as 20:00 a manifestación convocada polos axentes sociais, pero sobre todo pola propia cidadanía da area sanitaria de Vigo” explican nun comunicado emitido hoxe.

Os socialistas informan que “será preciso reservar praza no teléfono de xuventudes socialistas de Mos 660 579 729a fin de contratar os autobuses que fosen necesarios. O percorrido sairá de Sanguiñeda as 19:00 horas, fronte a discoteca QUEEN, e fará parada no alto de Puxeiros dirixíndose xa ata o hospital xeral, lugar da manifestación. Ó remate da mesma, farase o mesmo percorrido e paradas de retorno. O custe será enteiramente sufragado pola agrupación local socialista”.