No último pleno da Corporación Municipal do Porriño, celebrado o pasado 29 de xullo, aprobouse unha moción do BNG en apoio da sanidade pública e instando ao Concello a participar como institución na manifestación convocada o próximo 3 de setembro pola Plataforma en defensa da sanidade pública. Ademais do respaldo do BNG, a moción contou cos votos favorables de EU-Son e do grupo de goberno, integrado polo  PSdeG-PSOE e UDDL.

Onte a tarde a alcaldesa do Porriño, acompañada de membros do equipo de goberno, reuniuse cos  voceiros  da Plataforma, Manuel Martín e Jose Emilio Santiago,  para trasladarlles o contido da resolución do Pleno Municipal, e a decisión do Grupo de goberno de “apoiar activamente a sanidade pública e de asistir á manifestación. Quero invitar a todos os veciños do Porriño a sumarse a esta manifestación e a defender a sanidade pública, que é unha conquista social que debemos entender como un dereito fundamental. Non podemos retroceder”, destacou  Eva García de la Torre. 

A rexidora denunciou que “o PP traballou e realizou un hospital para beneficio da empresa privada sen atender á calidade do servizo que se presta aos cidadáns”.