O Alcalde de Salvaterra de Miño, Arturo Grandal presentou unha moción ao Pleno da Corporación referente a "falta de sinalización para acceder ao Hospital, transporte público dos veciños e o aparcamento gratis ou a precios baixos ou tamén unha zona de aparcamento ao aire libre".

Durante o Pleno todos os Grupos Políticos consensuaron a moción, quedando aprobada nos seguintes termos:     "Solicitar a Xunta de Galicia:  Que nos seus accesos dende autopista, autovía, carreteras secundarias, etc se sinalice en condicións a situación do novo hospital. Que o transporte público dos veciños deste Concello e Condado- Paradanta sexa mellorado dentro do transporte da Área Metropolitana. Que o aparcamento sexa gratis. Solucionar os problemas nas instalacións do Hospital e dotalo do material necesario para desenvolver as súas actividades".