O alcalde de Nigrán, Juan González, e a tenente de Alcalde, Raquel Giráldez, recibiron onte pola mañá no Concello á ducia de nenos saharauis que pasaron este verán no Val Miñor con familias de acollida. Os pequenos chegaron o 6 de xullo e regresan aos campamentos de refuxiados de Tindouf (Arxelia) este domingo. González entregoulles unhas camisetas e demáis presentes co logo de “Nigrán” e ademáis agasallounos con entradas para acudir mañá ao circo da Festa Escénica en Montelourido. O rexedor falou cos cativos, con moitas ganas de regresar as súas casas para estar coas súas familias, e recordou que o conflito saharaui é un conflito político ao que a comunidade internacional debe buscar unha solución que a propia ONU establece nun referendum de autodeterminación.