Concello de Tui organizaba este domingo unha actividade acuática de ocio no que 26 persoas experimentaron a sensación de voar sobre a auga practicando flyboard.  Durante toda a xornada do domingo, especialistas da empresa Flyboard Vigo estiveron na praia fluvial da Mariña de Tui, para brindarlle esta nova experiencia ós 26 veciños e veciñas que practicaron este novo deporte por primeira vez en Tui.

O flyboard foi inventado hai so catro anos,  trátase específicamente do aparato co que se practica este novo deporte acuático, conéctase e obtense a súa potencia por medio dun jetski (moto de auga), o cal ten como función darlle a propulsión debaixo e sobre a auga. Os practicantes conéctanse ó aparato por medio dunhas botas ou táboas, as cales dan o soporte necesario para dar o equilibrio pertinente e que consiga voar sobre a auga.

 Esta era a primeira vez que un concello galego realizaba flyboard nun río. Foi pois  unha boa oportunidade para probar de xeito totalmente gratuíto unha modalidade deportiva orixinal, e que habitualmente ten un custe duns 55 € por participante.

Ver GALERÍA DE IMÁGENES