A deputada Olaia Fernández Davila presentou dúas emendas aos orzamentos do estado, que afectan directamente a Mos.

A primeira é para a reforma integral da N550 en todo o seu percorrido dentro do concello e a segunda trata sobre a reforma do entronque da saída da autoestrada coa antiga N120 en Puxeiros.

Este lugar atópase xusto logo dos límites do concello de Mos, pero é empregado de xeito constante polos cidadáns do noso concello. Existe unha pequena rotonda de moi mala visibilidade, e ademais non está permitido incorporarse desde aí á autoestrada, o que obriga a dar unha gran volta para facelo, cando sería sinxelo habilitar desde esa zona un carril de entrada.

Ambas emendas son importantes para mellorar a vida dos cidadáns do noso concello, e consideramos  necesaria a súa incorporación aos orzamentos xerais do estado para o vindeiro ano.