Este xoves, 10 de setembro, comezarán as clases nos ciclos de educación infantil e primaria educación especial para 202.476 alumnos e alumnas, o que supón un 0,01% menos ca no curso 2014/2015, segundo os datos provisionais recompilados polos servizos estatísticos da Consellería de Cultura e Educación. Neste sentido cómpre lembrar que as cifras de matriculación poden ir mudando ao longo do curso escolar.

Educación Infantil

Segundo estimacións da Xunta de Galicia, 64.350 alumnos e alumnas comezarán o 10 de setembro nas aulas de educación infantil, o que supón un 1,7% menos ca no curso 2014/2015.

Nesta etapa educativa o alumnado non nacionalizado español diminuíu lixeiramente respecto do curso anterior.

Educación Primaria

Por outra banda as mesmas previsións que manexa a Consellería de Cultura, Educación e Ordenación Universitaria, indican que 136.779 alumnos e alumnas tamén comezaran o luns as clases de educación primaria en Galicia, o que supón un 0,86% máis ca no curso 2014/2015.

No caso da educación primaria o número de alumnos e alumnas sen nacionalidade española a diferenza respecto do ano paso é do 7,7%:

Educación especial

No que atinxe á educación especial, o número estimado de matriculados para este curso é de 1.347, case un 2 % menos ca no 2014/2015

Servizos complementarios

Hoxe tamén empezan a funcionar os servizos de transporte e os de comedor tras as modificacións oportunas que se realizan anualmente para o seu axuste ás necesidades actuais.

O 15 de setembro comezará o curso para os estudantes de secundaria e  bacharelato

Así este ano, a falta de que se pechen as autorizacións de prazas, o número estimado de usuarios de comedor escolar será de 72.016, sumando os de comedores xestionados directamente pola Consellería, e por ANPAs e Concellos. En total o departamento educativo da Xunta xestiona de forma directa 302 comedores escolares e de forma indirecta – a través de empresas que serven menús con todos os estándares de calidade garantidos- outros 133. Pola súa banda as ANPAS son responsables de 136 comedores e os Concellos de 42.

No que atinxe ao transporte, prestarase servizo – segundo as estimacións- a 93.190 alumnas e alumnos de 784 centros públicos.