Unha persoa resultou ferida tras producirse unha colisión por alcance entre un coche e un remolque que circulaban pola N-550, no punto quilométrico 149, á altura da localidade pontevedresa de Mos. O accidente tivo lugar sobre as 07:00 horas desta mañá. A esa hora un particular informou ao CAE 112 Galicia deste accidente, concretamente, en Louredo.

 

Case unha hora mais tarde, outro particular indicou ao 112 Galicia que no mesmo punto se producira outro accidente e solicitou unha ambulancia. Por iso, se alertou a Urxencias Médicas e tamén se pediu a intervención dos axentes da Garda Civil de Tráfico. Os axentes confirmaron ao persoal do CAE 112 Galicia que se trataba do mesmo accidente, e, que había implicados un total de tres turismos. O persoal do servizo de limpeza e mantemento da estrada encargouse da limpeza da vía polos restos do accidente.