O Concello de Gondomar e a Antena Cameral da Cámara de Comercio, neste municipio, a través dun convenio cofinanciado polo Fondo Social Europeo, traballan para dar resposta á demanda formativa do tecido empresarial da zona.

A semana pasada presentouse o programa de formación  empresarial para o último cuadrimestre do ano.

A oferta inclúe cursos de interese, entre eles destacan o de manipulador de produtos fitosanitarios, operador de carretillas elevadoras, un seminario de xestión de alérxenos na hostalería e outros enfocados a vendas, márketing e novas tecnoloxías.

Para participar os interesados deben dirixirse á Antena Cameral de Gondomar, agora situada no CDL,  chamando ao 986 369 900 ou por correo electrónico á seguinte dirección: antenagondomar@camaravigo.com