O servizo de Dermatoloxía do Complexo Hospitalario Universitario de Vigo trasládase desde o centro de especialidades de Coia ao Meixoeiro, polo que o próximo luns, día 14 de setembro, esta especialidade xa iniciará a súa actividade asistencial neste hospital.

Este traslado estaba previsto no cronograma de reordenación sanitaria que se está levando a cabo na área viguesa trala apertura no novo hospital público Álvaro Cunqueiro.

Así, a partires do luns, o equipo de Dermatoloxía, composto por dez especialistas, sete profesionais de enfermaría, e un administrativo, atenderán aos pacientes na planta primeira das consultas externas do Meixoeiro.