Os veciños e veciñas da rúa Paseo Matutino de Ponteareas amósanse molestos pola carencia de alumeado festivo nesta zona, ónde era colocado tradicionalmente.

Os veciños desta rúa manifestaron nun comunicado o seu malestar xa que “nalgunhas rúas triplicouse o alumeado e noutras instalouse alumeado novo cando non se puxera en anos anteriores”.

Nun escrito enviado aos medios recórdanlle ao goberno local que “a rúa Paseo Matutino é unha das máis longas de Ponteareas e con maior número de establecementos hostaleiros e comercio en xeral, polo que se senten discriminados polo actual goberno municipal”. Tamén esixen que “no futuro reparta dun xeito máis ecuánime o alumeado festivo nos próximos festexos”.