A alcaldesa do Porriño, Eva García de la Torre, reuniuse onte coa directora xeral de Mobilidade da Xunta de Galicia, Helena de Lucas. No encontro celebrado en Santiago a rexedora “reclamou que o transporte dende O Porriño ao Hospital Álvaro Cunqueiro teña máis liñas e frecuencias, tendo en conta os horarios de consulta e a necesidade dos usuarios de chegar con tempo suficiente”.

Eva García de la Torre reiterou ademais “a reivindicación do Concello do Porriño sobre a conexión por transporte público entre as parroquias do municipio, os polígonos industriais e o centro de Vigo. É inexplicable que o segundo núcleo de poboación do municipio, Torneiros, non dispoña de liñas de transporte público que o conecten co centro urbano ou con Vigo”.

Helena de Lucas anunciou á alcaldesa que ademais das liñas existentes actualmente que conectan Ou Porriño co novo hospital e Vigo, está previsto que este mesmo mes se duplíquen as frecuencias. “No entanto, estaremos pendentes de que as novas frecuencias satisfagan  ás demandas dos cidadáns do Porriño”, afirmou a alcaldesa. 

A directora Xeral de Mobilidade manifestou a súa intención de dar unha resposta á demanda de que o primeiro núcleo poboacional do Porriño poida dispoñer de transporte metropolitano.

Xunta e Concello do Porriño colaborarán para informar aos veciños sobre rutas e horarios do transporte público ao novo hospital Álvaro Cunqueiro.