O vindeiro sábado 19 celebrarase a terceira edición do LOURO VALLEY FESTIVAL no Porriño. Este proxecto,  que naceu en 2013 organizado polos artistas locais Groove Amigos, Traffic House e algúns dos locais de lecer pertencentes a Espacionoite, consegue este ano atraer de novo a artistas de primeiro nivel mundial grazas ao apoio de máis de 40 comerciantes e do Concello.

VICTOR MAGÁN e DJ OLIVER son os encargados de facer bailar a miles de persoas nas súas seiones na illa de IBIZA e este sábado 19 estarán no Pabellón Municipal do Porriño. Esta é outra das novidades do festival: a sú nova ubicación, tras dúas edicións pasadas por auga ás beiras do rio Louro, na edición 2015 celebrarase no recinto cuberto do Pabellón Municipal.

A Victor Magán e DJ Oliver súmanse Pablo Mendez coa súa compañía de espectáculos e os djs locais Anxo Silva, Khris Guez, Bruno Freshco, Ribho e Andreiby ademais de Groove Amigos e Traffic House que participaron xa na primeira edición.

O horario de comezo será ás 23h e prevese un cheo absoluto posto que a entrada é gratuita.