O xurado da  XLVIII edición do Concurso de Gaitas  de Ponteareas  acordou conceder  o Primeiro  Premio  ó grupo “EFECTO POLILLA” de Teo (A Coruña). Dito cuarteto estaba  composto por,  Xexús Rodríguez Callejón, Pablo Dalama Piñeiro, Miguel Anxo López Buján  e  Ricardo González Martínez.

O primeiro premio do Concurso de Gaitas de Ponteareas está  dotado de 1.800,00 euros,  diploma  e medallas  conmemorativas.

O  segundo  premio,  dotado de 1.200,00 euros  correspondeulle ó grupo “LUDOVAINA” de  Cangas.

O terceiro premio, dotado coa  cantidade  de  900,00 euros  foi  para  o  grupo  “VIRUTAS DE ÉBANO” de Vigo.

O  cuarto  premio,  con  un importe  de  600,00  euros  foi  para  o  grupo “MARAGHOTAS”  de Vigo.

O Concello  de  Ponteareas  adicou  esta edición do concurso de gaitas e entregou un diploma honorífico , a título póstumo,  a  D. Constante Ledo Sobrino  ( Cristiñade 1920 - 2008),  percusionista, tocaba o bombo,  e  formou parte da Banda de Música de Cristiñade,  do Rancho de Reis de Cristiñade, da Banda de Música de Gulán  e,  entre outros,  do grupo de Gaitas “Anduriñas de Cristiñade”,  co cal  acadou un 2º premio no concurso de gaitas de Ponteareas.  Recolleu  o diploma o  seu fillo,  Rodolfo Ledo Ledo.

Sinalar que nesta participaron un total de quince grupos, o  número máximo  de  acordo  coas bases do concurso, quedando  fora  dous  grupos  por  sobrepasarse  o  número  máximo de participantes.