Tras os encontros cos alcaldes de Pontevedra, Vilagarcía, Cangas, Silleda, Ponte Caldelas, Marín e Redondela,  Carmela Silva inicia este luns as visitas institucionais ao resto dos municipios da provincia. A presidenta da Deputación percorrerá nos próximos dous meses e medio os 62 concellos pontevedreses, onde manterá reunións cos alcaldes e alcaldesas para coñecer de primeira man as necesidades e inquietudes de cada localidade e para explicarlles persoalmente o novo modelo de relación cos municipios implantado polo goberno provincial.

Silva cumpre así co seu compromiso, xa expresado no seu discurso de investidura, para que a Deputación se converta nunha institución intermunicipal e non supramunicipal e que os concellos e os seus representantes sexan os verdadeiros interlocutores da institución provincial.

Este luns 28 a presidenta visitará o concello de Lalín, e A Illa e A Guarda o 29. O Concello da Estrada e o de Ponteareas derán visitados o vindeiro día 30.