Os Bombeiros de Vigo excarceraron este mediodía a unha persoa que quedou atrapada no seu vehículo tras sufrir un accidente de tráfico na VG-20, ao paso pola cidade olívica, en sentido Bouzas. No sinistro víronse implicados un total de tres turismos e outra persoa tamén resultou ferida. Segundo as testemuñas do accidente, ambos feridos poderían ser de gravidade. Tras recibir a alerta dun particular ao fío das 12:30 horas de hoxe, o CAE 112 Galicia informou a Urxencias Médicas, Bombeiros de Vigo, Garda Civil de Tráfico e Protección Civil.