O pasado sábado 17 de outubro o roupeiro municipal abriu as súas portas facendo uso da praza do Concello, as persoas que o visiten poderán doar un alimento e formar parte de usuarios do roupeiro municipal a través da adquisición da roupa e tamén de libros que estarán á disposición de todas as persoas que así o desexen.

O obxetivo é dar a coñecer o roupeiro municipal por parte da cidadanía para que as persoas que así o necesiten fagan uso do mesmo, “é moi importante que as persoas que teñan menos recursos non carezan dos bens básicos e necesarios, sobretodo, tendo en conta se teñen fillos e sendo o inicio do periodo escolar, é unha etapa complicada, na que as familias teñen que facer fronte a un custe importante” sinalan dende o concello.

O roupeiro estará aberto dende as 11:00 da mañá ata as 18:30 onde estará disposto un punto de recollida de alimentos, para que todas aquelas persoas que así o desexen poidan depositar os alimentos non perecedeiros.

As concelleiras de área Tere Pérez, de benestar social e Carla Pérez de voluntariado queren incidir na “importancia de poder ofrecer unha serie de bens as 125 familias que así o necesitan”. O seu horario é os mércores de 16:00-18:00 e os xoves de 9:30 a 11:30.