A charla, organizada polo PSdeG-PSOE de Mos contará ca colaboración de especialistas de Unións Agrarias e tratará sobre a prevención de riscos laborais para pequenas explotacións agrogandeiras e produción destinada ó autoconsumo en Mos. Máis do 90% do aproveitamento agrario e gandeiro local é para o autoconsumo, pero pretendese afianzar os coñecementos dos veciños no uso de produtos de esta categoría, para garantir a seguridade tanto do manipulador coma do medio ambiente, ensinando a aplicar as doses adecuadas e a posterior eliminación dos envases.

Dirixida a todo o público en xeral, a partires das 9:00 da maña do vindeiro sábado, darase contestación as dubidas dos veciños e de por en claro as obrigas recollidas no Real Decreto 1311/2012 de 14 de setembro polo que se establece o marco de actuación para acadar un uso sostible dos produtos fitosanitarios. Un dos seus aspectos máis controvertidos e o chamado carne de manipulador (aplicador) e a inscrición no rexistro de produtores, sen o cal, as tendas destes produtos non poderán dispensar os usuarios as cantidades habituais de insecticidas, sulfatos e herbicidas, aínda sendo para uso particular.

A nova normativa entra en vigor o próximo mes de novembro. Os socialistas consideran parte da súa labor facer chegar as respostas correctas os problemas concretos dos veciños de Mos. “E un ruxe ruxe, que o goberno non é quen de solucionar. Máis do 90% da produción agrogandeira deste concello e para o autoconsumo, e aínda non sendo o principal obxetivo regulador o control de estas explotacións, os veciños de Mos si se verán afectados por unha medida que entre outras cousas restrinxirá a cantidade de sulfato que poden comprar de cada vez e a cantidade que poden levar preparada na máquina de sulfatar”, comenta o voceiro socialista, Alfonso Parada, “estamos pechando datas e lugares para celebrar os cursos preparatorios para obter a certificación oficial ou carné de manipulador, para aquelas persoas que por exemplo aplican con carretillas sulfatadoras”