Un home foi alcanzado por unha bala no transcurso dunha liorta que tivo lugar este mediodía en Vigo, no barrio de Coia. Un particular alertaba ao CAE 112 Galicia da pelexa ao fío das 13:45 horas de hoxe. Nun principio, descartouse a existencia de persoas feridas debido ás testemuñas que había no lugar, que indicaron que unicamente se producían disparos ao aire. Mais a Policía Nacional confirmou que unha persoa fora alcanzada por unha bala e que, posteriormente, os participantes na liorta abandonaran o lugar en coches, dirixíronse á VG-20, en dirección O Porriño. Dende o 112 Galicia, unha vez coñecido o suceso, púxose en coñecemento das forzas da orde, posto que Urxencias Médicas xa tiña constancia.