Un incendio declarado á primeira hora da mañá nunha fábrica de madeira situada no Porriño destruíu estas instalacións, segundo informaron os equipos de emerxencia desprazados ata o lugar.

Na extinción do lume que afectou a unha  nave situada na parroquia de San Salvador de Budiño participaron bombeiros do Baixo Miño e do parque de Ponteareas, tamén efectivos de Protección Civil do Porriño, Ponteareas e Mos así como o servizo provincial de incendios e axentes da Garda Civil.