ACIPOR e o Concello do Porriño chegan a un acordo para realizar contróis preventivos de alcoholemia voluntarios e gratuitos aos asistentes ao Pinchorriño que comeza mañá venres 6.

A Asociación de Comerciantes acadou onte un acordo co Concello do Porriño e a Policía Local para a realización de contróis de alcoholemia gratuitos aos asistentes á  Xª Edición do Pinchorriño que comeza mañá venres día 6 de Novembro co pistoletazo de saía aos catro fins de semana nos que estará vixente.

Segundo o Concello do Porriño, disfrutar do Pinchorriño non é incompatible coa responsabilidade ao coller o vehículo propio, polo que a Policía Local colaborará en realizar estes controis preventivos de alcoholemia que serán gratuitos e voluntarios para os asistentes, que poderán solicitalos nas dependencias da Policía Local durante os fins de semana (venres e sábados) de Novembro, datas nas que se desenvolve o Pinchoriño. O Horario de realización dos contróis será de 23:30 p.m. a 00:30 a.m.

Pola súa parte ACIPOR animou a participar masivamente nun evento xa consolidado a nivel metropolitano que chega este ano á súa Xª Edición e que conta con 46 establecementos adheridos.