Tralas novas responsabilidades adquiridas polos concelleiros socialistas. A Agrupación Municipal Socialista vén de renovar a súa Executiva Municipal para “dar resposta á nova realidade política de Ponteareas”. Unha resposta que “pon en valor a responsabilidade e o compromiso manifestado polos militantes socialistas”.

Os socialistas de Ponteareas consideran “fundamental que os nosos 4 concelleiros e concelleiras, quenes ocupaban cargos de responsabilidade na executiva local, se deban a súa ocupación de representantes públicos e de Goberno. Un traballo fundamental para poder dar resposta e expresión ás políticas socialistas dende a xestión das súas respectivas concellerías. Os catro Concelleiros seguirán formando parte da mesma, mais estarán liberados de carga algunha”.

O Secretario Xeral dos Socialistas de Ponteareas, Delfín Domínguez, manifestou a súa intención de “continuar favorecendo a incorporación dos compañeiros e compañeiras mais novos en tarefas de responsabilidade dentro da nosa agrupación, abrindo deste xeito o partido aos cidadáns de Ponteareas”.

As incorporación na Executiva Local do PSdeG-PSOE de Ponteareas, serán as seguintes: Inés Vidal:  Ponteareas. 35 anos. 2 fillas. Contable. Empresaria da hostalería. Ostentará a Secreataria de Organización do PSdeG-PSOE de Ponteareas; Mª Paz Boente: Ponteareas. 43 anos. 1 fillo. Técnico Administrativo. Traballa en Xinzo, na Asociación Forestal de Galicia.Secretaría de Administración; Gustavo Carrera: Xinzo. 30 anos. 1 fillo. Técnico informático en Desenvolvemento de Aplicacións Informáticas de Xestión. Técnico comercial de entidades financeiras. Ostentará a Secretaría de Acción Electoral e Mobilización Social e Diego Mo: Ponteareas con orixe en Cristiñade. 23 anos. Estudante de Grao en Ciencias Políticas e da Administración na Universidade de Santiago de Compostela. Cofundador do proxecto Politicahora.es. Ostentará a Secretaría de Comunicación, de Dereitos e Liberdades.