A alcaldesa de Porriño desmentiu este xoves algunha das declaracións feitas, no seu nome, polo director xeral de Administración Local da Xunta, Alberto Pazos, co que mantivo unha xuntanza este mércores para tratar sobre a Área Metropolitana de Vigo.

Eva García de la Torre respaldou, como xa indicara na reunión de alcaldes do mes pasado, no tocante á gobernanza da Área, que debe estar suxeita a un voto ponderado unha fórmula que “garante a representatividade de todos os concellos e que coincide completamente coa proposta feita polo alcalde de Vigo”.

Á finalización da reunión, Alberto Pazos asegurou que a alcaldesa amosou o seu interese pola implantación dun transporte metropolitano integral, coa incorporación de Vigo, para así poder optimizalo e beneficiar aos cidadáns dos 14 concellos involucrados.

Eva García de la Torre limitouse a asegurar ao director xeral que “non tería sentido un Área Metropolitana que non contemple o transporte metropolitano”, sen maís. “non teño por costume meterme nos asuntos doutros concellos e, ademáis, estou moi lonxe de decirlle a unha cidade cómo ten que que organizar o seu propio transporte urbán”.