O tramo da estrada que une as localidades de Viana do Bolo e a Gudiña, no punto quilométrico catro quedou esta madrugada aberto ao tráfico. A circulación foi interrompida a causa dun accidente no que se viron implicados tres camións. Debido ao impacto un dos condutores precisou asistencia sanitaria, aínda que, por fortuna, as feridas causadas foron de carácter leve.

Os tres camións levaban carga no momento de producirse o accidente: área, cemento e esterco. O que transportaba o cuíto perdeu parte da carga e quedou ciscada pola estrada o que obrigou, ademais, a intervir aos servizos de limpeza e mantemento da vía. O CAE 112 Galicia tras recibir a alerta dun particular ás 15:30 horas de onte, puxo en marcha un operativo no que participaron Urxencias Médicas, GES de A Gudiña e Garda Civil de Tráfico, que indicaron ao 112 Galicia que quedaba habilitado un carril alternativo ao tráfico. Sobre as 04:00 horas desta madrugada os axentes de Tráfico confirmaron ao CAE 112 Galicia que a circulación quedou totalmente restablecida.