Asociación Cultural Minho Reggae, co apoio da Casa Cultural de Oia, pretende organizar un outono de concertos con actuacións gratuítas, dous venres de cada mes, na casa cultural de Oia. Desde reggae pasando por folk, rock, jazz até a música máis experimental, poderanse escoitar a través dalgunhas das bandas galegas con maior proxección na escena local, nacional e internacionalMúsica, cañas e vistas a Camboa, esa é a proposta para as noites dos Venres este Outono a partir das 22:30h.

Unha combinación que nos propoñen entre o mes de Novembro e Marzo

A Asociación cultural Minho Reggae, xunto a Casa Cultural de Oia, propoñen un  programa de actuacións que arrancará este venres, 27 de Novembro, coa actuación de Javier Vicalo, o fundador de bandas como Zamaramandi, e colaborador de Meninos Carentes, Transilvanians, Pablo Yjahman, ..., co seu “ Live Dub Mix", Noite de roots reggae !

Javier Vicalo achéganos as pistas das grabacións feitas no seu propio estudio en Vigo que misturará en versión dub en directo apoiado ao micro por grandes artistas do reggae local! Mr. Mou, High Paw e Sutta Enki Dub. A noite apoiase nunha selección de vinilos por parte de Herri Selectah; Vinyl Bullets Sound, Roots Dub e Digital.
A noite contará tamen cunha Jam Session a cargo de Seeds Family e os músicos que a compoñen.
Baile e trance asegurado!

Este será, tan só, o primeiro dunha ampla programación de concertos que se prolongará, e que converterá, a Casa Cultural de Oia, nun lugar de encontro e de referencia cultural no propio Concello.