Hoxe sábado 28 de novembro, a Banda de Música Xuvenil de Torroso, vai celebrar o día de Santa Icía (patroa dos músicos).

Os actos comezarán ás 18:30 horas coa misa na Igrexa San Mamede de Torroso acompañada  do Grupo de Frautas da Escola de Música de Mos. De seguido, e xa no Centro Dotacional do Medio Rural de Torroso, actuará o Coro Voces Brancas de Cela xunto có grupo Agharratesax do CRC de Torroso. Para concluír, dará un concerto a Banda de Música Xuvenil de Torroso, no que interpretará a obra Gavilán do compositor Antón Alcalde, coa que acadou o premio á mellor interpretación de obra de temática galega o pasado sábado no IX Certame Galego de Bandas de Música, celebrado en Santiago de Compostela.