Axentes da Policía Autonómica da Xefatura de Vigo informaron esta mañá da imputación do presunto autor dun incendio forestal o 3 de decembro no lugar de Outeiro, parroquia de Torroso, concello de Mos.

O lume produciuse por neglixencia na realización dunha queima, en principio comunicada como queima agrícola. O incendio comezou ás 16.10 horas e foi extinguido ás 16.55 horas do mesmo día. O lume afectou a unha superficie aproximada de 1.700 metros cadrados de piñeiros e matorral.

Polos feitos tramitáronse dilixencias que foron remitidas ao Xulgado de Instrución numero 1 do Porriño. No que levamos de ano, a Policía Autonómica leva imputadas xa a 71 persoas por delitos relacionados cos incendios forestais.