Os servizos sanitarios de urxencia trasladaron esta tarde a un centro hospitalario a unha persoa que resultou ferida nun accidente de tráfico. O coche que conducía precipitouse por un terraplén no monte de San Cibrao, no termo municipal pontevedrés de Cangas. Os efectivos de Protección Civil, desprazados ao lugar unha vez alertados polo 112 Galicia, aseguraron que o vehículo tivo que ser estabilizado ante o risco de caída. Así, foi necesario o emprego dun guindastre. O CAE 112 Galicia tivo constancia do sinistro minutos antes das 16:00 horas de hoxe grazas á chamada dos técnicos sanitarios. De seguido, solicitouse a colaboración, ademais dos membros de Protección Civil, dos axentes da Policía Local.