A concellería de Educación dirixida pola edil Kely Monzón, achegou ós alumnos de Educación Infantil, de 3 e 4 anos de idade, dos colexios de Mos Mestre Valverde Maio de Sanguiñeda, Mestre Martínez Alonso de Castro-Mos, Atín-Cela e Petelos, a historia do Apalpador gracias ó Obradoiro de Emprego Mos coa Mocidade.

Alumnos-traballadores deste Obradoiro organizaron a dinámica e interpretaron a historia do persoaxe mítico da tradición montañesa galega, para que os cativos mosenses puideran coñecela de preto e divertirse con ela durante unha actividade lúdico-didáctica.

Esta iniciativa, que ten coma finalidade difundir entre os cativos a figura do Apalpador, consistiu nunha introducción para explicar quen é este persoaxe, acompañada por unha peza musical, seguida dun contacontos, tras o cal os alumnos do Obradoiro realizaron un xogo cos cativos.

A actividade estase a realizar estes días nos distintos centros educativos participantes e a última sesión terá lugar mañá, xoves 17 de decembro.