O Club de Xadrez Mos celebrará o sábado 26 de decembro o seu II Torneo de Nadal, que terá lugar no Centro Dotacional do Medio Rural de Torroso a partires das 10.30 horas, e ata as 20.00 horas; momento no que está programado o acto de clausura.

Este torneo está aberto a todas as idades e poderán xogalo ata un máximo de 120 participantes, que serán admitidos por rigoroso orde de inscrición no e-mail clubxadrezmos@gmail.com ou no teléfono 618873541, ata o xoves 24 de decembro ás 22.00 horas.

O director do torneo será Brais Otero Nogueira, e o árbitro principal, Jorge Fernández Vázquez.

Sistema de xogo

Suízo a 7 roldas, cun ritmo de xogo de 15 minutos máis 5 segundos por xogada. Permitirase ata un máximo de 3 byes de medio punto dentro das 5 primeiras roldas. Os byes deberanse solicitar antes do comezo do torneo.

Ás 10.30 horas da mañá farase a presentación e a partir das 11.00 horas darán comezo as 7 roldas cun intervalo dunha hora entre cada unha delas. Entre as 3ª e 4ª rolda farase o parón do mediodía (de 14.00 horas a 16.00 horas).