Hoxe pola tarde celebrarase un Pleno do Concello, será en sesión extraordinaria urxente, que terá lugar no Salón de sesións do Concello de Mos, ás 19:00 horas.

Na sesión realizarase una Declaración Institucional de repulsa e condena ante o presunto asasinato de M. R. B., veciña de Tameiga, no día de onte, así como “do resto de mulleres asasinadas por violencia de xénero”. Así mesmo decretaranse tres días de loito (31 de decembro e 1 e 2 de xaneiro).

Despois do Pleno haberá unha concentración silenciosa na Praza do Concello en repulsa do crime.

Os feitos

Esta madrugada  un veciño de Mos foi detido tras aparecer morta a súa parella, ao parecer o home dixo que se atopou co cadáver na cociña cando regresou á súa casa, situada na rúa Rans, na parroquia mosense de Tameiga.

Os membros da Garda Civil investigan os feitos e, no caso de confirmarse que se tratase dun novo caso de violencia de xénero, pecharía un ano no que elevaríanse a sete as vítimas mortais en Galicia.