Dúas persoas resultaron feridas este mediodía ao colidir un camión e un turismo que circulaban pola estrada que une as localidades de Tomiño e a Guarda, á altura do concello de Tomiño. Foi un particular, a escasos minutos das 12:00 horas de hoxe, quen alertou ao CAE 112 Galicia do suceso. Ademais, aseguraba que dúas persoas precisaban asistencia sanitaria. Por iso, dende o 112 Galicia se requiriu a intervención de Urxencias Médicas, da Garda Civil de Tráfico e dos efectivos do GES de A Guarda e Protección Civil de Tomiño.