Para Miguel Anxo Aldea Moscoso “a presentación da moción do PP sobre a área metropolitana, xa deixaba entrever a verdadeira razón de fondo que trae a súa aprobación, que non é  nin máis nin menos, que dar unha baza á Xunta no enésimo enfrentamento con Abel Caballero”.

Según os nacionalistas “o PP , aínda admitindo cambios na moción, non chegou a ceder o suficiente como para chegar ao entendemento que entre todos os partidos podiamos conquerir, que sería  só facer unha exposición de motivos, deixando de lado os puntos de acordó”.

O Texto proposto dende o BNG demostraría “as claras cal é a posición de todos os partidos, e sobrarían máis  puntos de acordo. A moción aprobada por Gañamos e o PP, recolle este texto pero rebaixado o tono de astío que demostra, e ademais tres puntos de acordó”.

Aldea recoñece que retirando eses puntos finais “habería acordo”  e engade que “a propia convocatoria dun pleno extraordinario por este tema xusto antes da reunión da Xunta cos concellos, a publicación de notas de prensa estes días do PP claramente partidarias, demostran e deixan clara qué quere o PP, unha instrumentalización política do acordo ao que se chegou no pleno”.

O BNG de Mos asegura nun comunicado que “non vai entrar neste tipo de xogos políticos, estamos fartos do retraso da Área metropolitana, estamos cansos de ver como se utiliza a área como arma arroxadiza entre as institucións. Esto é un paripé máis de enfrentamento Abel versus Xunta, que vai dilatar máis a Área Metropolitana, que coa cercanía das eleccións galegas, vemos aínda máis difícil que se leve a cabo”.