Eva García de la Torre, alcaldesa do Porriño, mantivo unha xuntanza de traballo con representantes de Lonza para tratar da ampliación da fábrica, unha necesidade “imprescindible” para que a compañía, líder a nivel mundial, poida completar o seu proxecto de expansión.

Segundo salientou o director xeral de Lonza Porriño, Luis Sánchez Ureña, o mesmo permitiría “duplicar a producción” e aumentar “significativamente” a súa plantilla, composta na actualidade por 352 traballadores, 295 das cales son fixos e 57 temporais.

A ampliación da planta-que ocupa unha extensión de preto de 35.500 metros cadrados -pasa, segundo lembrou o concelleiro de Urbanismo, Marcelino Coto, pola ‘modificación puntual’ do planeamento urbán, un trámite que a alcaldesa comprometeuse a acelerar solicitando unha entrevista co Goberno de Galicia, coa finalidade de que se remate axiña o informe previo de impacto ambiental.

O director xeral de Lonza Porriño sinalou que o obxectivo é que as obras poidan empezar en 2017, indicando que as mesmas facilitarán  que a planta acade un volumen de negocio de 1.500 millóns de euros na vindeira década.
 

García de la Torre e Sánchez Ureña, tamén estudaron a posibilidade de que, como xa plantexou a alcaldesa ao Clúster do Granito e ao da Automoción, o Concello e Lonza colaboren na formación de desempregados de cara a súa integración laboral, un eido no que Lonza Biologics Porriño ten unha  experiencia continuada cuia meta é dispor, nun prazo de dous anos, de persoas preparadas para incorporarse á fábrica porriñesa ou a calquera do grupo en todo o mundo.